ҺАВА ТОРЫШЫ +11 oC

Яңалыклар

барлык хәбәрләр Татарстан Россия

Җәмгыять

Әлмәт студенты шәһәр башкарма комитетына эшкә керү юлын тапкан

19 апрель 2019, 06:00

Әлеге бәйгедә үзләрен сынау өчен яшьләрдән быел 150 гариза кергән, җиңүче булып нибары 26 кеше танылган.

(Әлмәт, 19 апрель, "Татар-информ", "Әлмәт таңнары"). Әлмәт студенты Татарстанның Яшьләр хөкүмәте составына кертелде. Әлеге мөмкинлеккә ул яшь лидерларның "Югарыга!" республика бәйгесендә җиңүе белән ия булды. Бу турыда җирле басма хәбәр итә.

АГНИның 3 нче курс студенты Камил Сөнгатуллин Яшьләр хөкүмәтенә кергәнче үк барлык сайлап алу этапларын уңышлы уза һәм стажировка узу өчен Әлмәт шәһәре башкарма комитетын сайлап ала.

Камил "Яшьләр – эш-гамәлдә" проектын булдыра һәм егет-кызларга төрле башлангычларда аяк чалучы проблемаларны ачыклауны максат итеп куя.

Яшьләр хөкүмәте республикада 2 ел эшчәнлек җәелдерә. Хәзерге вакытта ул 40 кешене берләштерә. Әлеге бәйгедә үзләрен сынау өчен яшьләрдән быел 150 гариза кергән, җиңүче булып нибары 26 кеше танылган.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10