ҺАВА ТОРЫШЫ +5 oC

Яңалыклар

барлык хәбәрләр Татарстан Россия

Рәсми Татарстан

Апрель ахырында Төньяк Корея лидеры Ким Чен Ын Россиягә беренче тапкыр киләчәк

18 апрель 2019, 19:53

Кремльдә Төньяк Корея лидерының Владимир Путин белән тиздән очрашачагын расладылар.

(Казан, 18 апрель, “Татар-информ”). Россия Президенты Владимир Путин якын арада Корея Халык Демократик Республикасы лидеры Ким Чен белән очрашачак. Ул апрель азагында Россиягә килер дип көтелә. Бу хакта Кремль сайты хәбәренә сылтама белән “Интерфакс” хәбәр итә.

"Владимир Путин чакыруы буенча КХДР Дәүләт Советы Рәисе Ким Чен Ын Россиягә эш сәфәре белән апрельнең икенче яртысында киләчәк", - диелә Кремль сайтында.

Россия Федерациясенә планлаштырылган сәфәр Ким Чен өчен беренче булачак - элек ул беркайчан да Россиядә булмаган. Аның әтисе Ким Чен Ир, киресенчә, Россия Федерациясенә махсус бронепоездда берничә тапкыр: 2001, 2002 һәм 2011 елларда килгән. Соңгы сәфәре барышында Ким Чен Ир Мәскәүдә түгел, ә Улан-Удэда булган.

"Ренхап" агентлыгы элек үз чыганагына сылтама белән хәбәр иткәнчә, Ким Чен Ынның Путин белән очрашуга шәхси бронепоездында килергә мөмкин. Агентлык Путин һәм Ким Чен Ынның очрашуы Владивостокта булыр дип фаразлый, диелгән әлеге хәбәрдә. 
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10