ҺАВА ТОРЫШЫ +11 oC

Яңалыклар

барлык хәбәрләр Татарстан Россия

Хәвеф-хәтәр

Казанда тротуардан барган машина йөртүчесенә штраф салынган

17 апрель 2019, 11:14

Машина йөртүчесен берничә юл хәрәкәте кагыйдәсен бозган өчен җаваплылыкка тартканнар.

(Казан, 17 апрель, «Татар-информ»). Казанда, берничә юл хәрәкәте кагыйдәсен бозып, «бөкене» тротуар аша урап узган егетне социаль челтәрләрдәге видео ярдәмендә штрафка тартканнар. Бу хакта республика Дәүләт автоинспекциясендә хәбәр иттеләр.

«12 апрель көнне социаль челтәрләрдә Залесный бистәсендә җиңел машина йөртүченең, «бөкене» урап узып, тротуар буйлап хәрәкәт иткән видеосын урнаштырдылар. Әлеге видео ярдәмендә ЮХИДИ хезмәткәрләре машина йөртүчене ачыклады, ул шунда яшәүче 21 яшьлек кеше булып чыкты», - дип сөйләделәр ЮХИДИдә.

Яшь кешене тротуар буенча хәрәкәт иткән өчен, шулай ук тонировка, автомобиль конструкциясен бозган һәм каршы як полосага чыккан өчен административ җаваплылыкка тартканнар.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10