ҺАВА ТОРЫШЫ +2 oC

Яңалыклар

барлык хәбәрләр Татарстан Россия

Хәвеф-хәтәр

Париж Изге Ана соборын колачлаган янгын сүндерелде

16 апрель 2019, 07:24

Гыйбадәтханәнең фасады һәм ике манарасы да сакланып калынган, ләкин шпиль һәм түбәнең күп өлеше җимерелгән.

(Казан, 16 апрель, «Татар-информ»). Янгын сүндерүчеләр кичә Париж Изге ана соборын (Нотр-Дам де-Пари) колачлаган янгынны тулысынча сүндерделәр. Бу хакта Париж янгын хезмәте вәкиленә сылтама белән Le Figaro газетасы яза.

Моңа кадәр янгын локальләштерелде. Хәзер янгын сүндерүчеләр конструкцияләрне суыту белән шөгыльләнә.

«Без калган учакларны күзәтеп торачакбыз һәм яну процессы яңарып китмәсен өчен, кайнар конструкцияләрне суытып торачакбыз», – дип аңлатты Франция башкаласының янгын хезмәте вәкиле Габриэль Плюс.

Янгын нәтиҗәсендә 1163 елда төзелә башлаган соборның шпиле, түбәсе һәм сәгатьләре җимерелде. Гыйбадәтханәнең фасады һәм ике манарасы да сакланып калынган. Андагы реликвияләр дә сакланган.

Янгын алдагы көнне, 15 апрельдә, җирле вакыт буенча 18.50 сәгатьтә (Мәскәү буенча 19.50) башланды. Янгынның төгәл сәбәбе әлегә билгеләнмәгән, әмма янгын башлануны соборда барган реставрация эшләре белән бәйлиләр, дип билгеләп үтә РИА Новости. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10