ҺАВА ТОРЫШЫ +1 oC

Яңалыклар

барлык хәбәрләр Татарстан Россия

Хәвеф-хәтәр

25 апрельдән Татарстанда янгынга каршы махсус режим кертелә

15 апрель 2019, 20:29

10 майга кадәр Татарстанда коры үлән һәм чүп-чар яндырырга, шулай ук ачык утта ризык әзерләргә ярамый.

(Казан, 15 апрель, «Татар-информ»). 25 апрельдән 10 майга кадәр Татарстанда янгынга каршы махсус режим кертелә. Бу хакта «Татар-информ»га Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

«Язгы - җәйге чорда янгын куркынычы дәрәҗәсе арту сәбәпле, 25 апрельдән 10 майга кадәр Татарстан Республикасы территориясендә янгынга каршы махсус режим кертелә», – дип ачыкладылар Татарстан Гадәттән тыш хәлләр министрлыгы матбугат хезмәтендә.

Режим гамәлдә булган чорда коры үләнне һәм чүп-чарны яндыру, ачык утта (учакта яки мангалларда) ризык әзерләү, шулай ук пиротехника әйберләрен куллану тыела.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10