ҺАВА ТОРЫШЫ +16 oC

Яңалыклар

барлык хәбәрләр Татарстан Россия

Сәясәт

Министрлар Кабинетында техник карау видеофиксациясе идеясеннән баш тарттылар

15 апрель 2019, 16:50

Дәүләт Думасы депутатлары автомобильләрне техник карауга фотофиксация турында закон проектын май башында икенче укылышта караячак

(Казан, 15 апрель, “Татар-информ”). Дәүләт Думасы депутатлары автомобильләрне техник тикшерүнең фотофиксациясе турында хөкүмәт закон проектын май башында икенче укылышта караячак. Бу хакта дүшәмбе көнне ТАССка Транспорт һәм төзелеш буенча профильле комитет рәисе Евгений Москвичев хәбәр итте.

"Без аны икенче укылышка әзерлибез. Май бәйрәмнәреннән соң ул икенче укылышка куелачак", - диде депутат. Закон проекты текстына Хөкүмәт төзәтмәләре март башында ук килде, диде ул.

Министрлар Кабинеты төзәтмәләре нигезендә, техник тикшерү узуны фотофиксацияләү мәгълүматлары автомат рәвештә "техник тикшерүнең бердәм автоматлаштырылган мәгълүмат системасына" тапшырылырга тиеш түгел, бу закон проектының беренчел редакциясенә беркетелгән иде. Техник тикшерү өлкәсендә хакимиятнең федераль органнары системада "техник диагностика үткәрелгән транспорт чарасы фотографик сурәтенә, аны саклау тәртибенә һәм вакытына" карата таләпләр билгеләячәк.

Фотофиксация үзе "техник диагностика үткәргән вакытта" гына эшләнәчәк. Барлык карау процедурасын видеога төшерергә кирәк булмаячак. Әлеге төзәтмәләр комитет тарафыннан хупланды инде.

Моннан тыш, "автобусларны техник яктан тикшерүне оештыру һәм үткәрү тәртибен" Хөкүмәт билгеләячәге закон проекты тарафыннан билгеләнәчәк.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10