ҺАВА ТОРЫШЫ +6 oC

Яңалыклар

барлык хәбәрләр Татарстан Россия

Рәсми Татарстан

Татарстан Президенты Әстерханда «Дуслык» татар иҗтимагый оешмасы активы белән очрашты

14 апрель 2019, 16:35 , Фото: tatarstan.ru

Татарстан Президенты Әстерханда «Дуслык» татар иҗтимагый оешмасы активы белән очрашты
Бүген Татарстан Республикасы Президенты Рөстәм Миңнеханов эш сәфәре белән Әстерхан шәһәренә килде.

(Казан, 14 апрель, «Татар-информ»). Бүген Әстерхан шәһәренә эш сәфәре кысаларында Татарстан Президенты Рөстәм Миңнеханов «Дуслык» татар иҗтимагый оешмасы активы белән очрашты.Бу хакта Татарстан Президенты матбугат хезмәте хәбәр итә.

Җәмгыять рәисе Әнвәр Алмаев кунакларга «Дуслык» эшчәнлеге турында сөйләде. 2019 елда 30 еллык юбилеен билгеләп үтүче оешма татар милли мәдәниятен саклау һәм популярлаштыру буенча нәтиҗәле эш алып бара.

Алмаев сүзләренә караганда, татар халык театрын саклап кала алганнар, яңа коллективлар — «Ялкын» фольклор ансамбле, «Нур» һәм «Таң-Таң» балалар ансамбльләре булдырылган. Бер гасырлык тарихы булган «Идел» газетасы эше дә яңартыла, сквер һәм парк төзелгән. 2013 елда Татарстан ярдәме белән бөек шагыйребез истәлегенә һәйкәл дә куела, ә 2017 елда герой-шагыйрь Муса Җәлилгә һәйкәл ачылган.

Алмаев «Дуслык» җәмгыятенең яшьләр канаты оештырылуын билгеләп үтте. Ел саен «Татар моңы», «Татар кызы», «Мин татарча сөйләшәм» конкурслары үткәрелә. 2008 һәм 2017 елларда Татарстан ярдәме белән Федераль Сабан туе узды. Әстерхан өлкәсе губераторы вазифаларын вакытлыча башкаручы Сергей Морозов төбәк җитәкчелегенең «Дуслык» оешмасы белән даими элемтәдә торуын әйтте.

Миңнеханов аңа җирле татарлар мәдәниятен саклап калу һәм үстерүдә шартлар тудырган өчен рәхмәт белдерде. Ул хәбәр иткәнчә, бүгенге көндә республика бөтен дөньяда татарларны якынайту һәм милли телне өйрәнү өчен инструментлар булдыру проектларын гамәлгә ашыра. Мәсәлән, «Ана теле» Интернетта татар телен онлайн-укыту программасы эшләнде, «ТНВ-Планета» телеканалы татар телендә эшли.

Рөстәм Миңнеханов очрашуда катнашучыларга татар милли традицияләренә игътибарлы булулары өчен рәхмәт белдерде, шуннан соң «Дуслык» җәмгыяте вәкилләренә Татарстан Президенты Рәхмәтен тапшырды.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10