ҺАВА ТОРЫШЫ +22 oC

Яңалыклар

барлык хәбәрләр Татарстан Россия

Җәмгыять

Россиялеләр ялга күпме акча сарыф итәргә әзер булуларын сөйләделәр

14 апрель 2019, 11:39 , Фото: архив

Россиялеләр ялга күпме акча сарыф итәргә әзер булуларын сөйләделәр Россия халкы сәяхәтләрдә азрак экономияли һәм шопинг һәм автомобиль арендасыннан сирәгрәк баш тарта башлаган.

(Казан, 14 апрель, «Татар-информ»). Россия халкы сәяхәтләрдә азрак экономияли һәм шопинг һәм автомобиль арендасыннан сирәгрәк баш тарта башлаган. Бу хакта momondoга сылтама белән РИА Новости хәбәр итә.

Броньлау сервисыннан 22 илдән 23 меңнән артык кешедән сораштыру үткәрелгән. Экспертлар туристларның җәй көне гаилә ялына күпме акча сарыф итәргә әзер булуын һәм сәяхәт өчен акча җыюда күпме акчаны янга калдыруларын ачыклаган. Россия туристларының чиреге – 24 проценты - җәйге ялга бюджеттан гаиләгә 50-100 мең сум акча бүлеп бирергә әзер икән.

Һәр бишенче респондент бу сумма - 20 меңнән 50 мең сумга кадәр, ә 14 проценты аларның ялга булган бюджетлары - 7,5 меңнән 20 мең сумга кадәр, дип белдергән. Сораштырылучыларның 13 проценты гына җәйге сәяхәткә 100 меңнән 150 мең сумга кадәр акча сарыф итәргә әзер, ә 150 меңнән артыгы – нибары 7процентта.

Шул ук вакытта агымдагы елда отпуск вакытында экономияләү хисабына комфортны корбан итәргә әзер сәяхәтчеләр саны кимегән. Шопингка чыгымнарны киметергә теләгән кешеләр саны бер ел эчендә 48 проценттан 44 процентка кадәр кими. Россиялеләрнең 40 проценты автомобиль арендасыннан баш тартырга әзер, ә бер ел элек алар 3 процентка күбрәк булган.

Шул ук вакытта сәяхәтчеләр чыгымнарны киметүнең башка алымнарын актив үзләштерә. Аерым алганда, сораштырылучыларның 33 проценты илгә керү хокукы өчен түләмәүдә визасыз юнәлешләрне сайлый башлаган.

Респондентларның 56 проценты ял өчен акчаны даими рәвештә җыеп бара. Россия халкының өчтән бер өлеше (38 проценты) ялга акча җыю өчен эш көннәрендә кафе һәм рестораннарга барудан баш тарта. Сәфәр өчен акча булсынга, һәр унынчы турист картада спортклуб акчасын янга калдыра, ә һәр җиденче кеше Интернетта түләүле контенттан файдаланмый.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10