ҺАВА ТОРЫШЫ +6 oC

Яңалыклар

барлык хәбәрләр Татарстан Россия

Мәдәният

Башкаланың татар җәмәгатьчелеге Мәскәүдә Тукай һәйкәленә чәчәкләр салачак

14 апрель 2019, 09:21 , Фото: tatmsk.tatarstan.ru

Башкаланың татар җәмәгатьчелеге Мәскәүдә Тукай һәйкәленә чәчәкләр салачак

Быел Габдулла Тукайның тууына 133 ел тула.

(Казан, 14 апрель, «Татар-информ»). 15 апрельдә, Габдулла Тукай истәлегенә багышлап, Татарстанның Тулы вәкаләтле вәкиллеге һәм Мәскәүнең татар җәмәгатьчелеге шагыйрь һәйкәленә чәчәкләр салачак. Тантана 13.00 сәгатьтә башлана. Бу хакта Татарстан Республикасының Россия Федерациясендәге Тулы вәкаләтле вәкиллеге матбугат хезмәте хәбәр итә.

Традиция буенча апрель аенда Мәскәүдә шагыйрь истәлегенә, аның иҗади мирасын саклауга багышланган күп кенә чаралар уза.

Шулай итеп, Мәскәүнең 1186нчы мәктәптә урнашкан Каюм Насыйри үзәгендә Муса Җәлил укулары узды. Чараны үзәк методисты Ләлә Сәитова ачты. Ул укуларда катнашучыларны шагыйрьнең биографиясе белән таныштырды. М.Горький исемендәге әдәбият институтының 3нче курс студенты Артур Хәсәнов «Татар халкы мифологиясе һәм аның Габдулла Тукай иҗатына йогынтысы» дигән лекция белән чыгыш ясады.

Аннан соң шагыйрьнең шигырьләре яңгырады, чара шагыйрьнең татар халкы гимнына әйләнгән «Туган тел» шигыре композициясен бергәләп башкару белән тәмамланды.

26 апрельдә һәйкәл янында аның туган көненә багышланган тантаналы чара узачак. Быел Габдулла Тукайның тууына 133 ел тула.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10