ҺАВА ТОРЫШЫ +1 oC

Яңалыклар

барлык хәбәрләр Татарстан Россия

Спорт

Татарстан йөзүчеләре Россия чемпионатының соңгы көнендә биш медаль яулаган

13 апрель 2019, 18:07 , Фото: minsport.tatarstan.ru

Татарстан йөзүчеләре Россия чемпионатының соңгы көнендә биш медаль яулаган Турнир 5-12 апрельдә Мәскәүнең «Олимпийский» спорт комплексында узган.

(Казан, 13 апрель, «Татар-информ»). Татарстан йөзүчеләре Россия чемпионатының соңгы көнендә тагын биш медаль (ике көмеш һәм өч бронза) яулаган. Бу хакта ТР Спорт министрлыгының матбугат хезмәте хәбәр итә.

Иң элек Эдуард Вәлиәхмәтов 400 метрлы дистанциядә өченче булып килгән. Ул әлеге араны 4 минут 18,87 секунд эчендә буйсындырган. Аны Мәскәүдән Максим Ступин һәм Санкт-Петербургтан Данил Зайцев артта калдырган.

Моңа кадәр алтын медаль яулаган Александр Красных 200 метрлы дистанциядә финишка өченче булып килгән (1.46,34). Мартин Малютин – беренче, Михаил Довгалюк - өченче урында.

Ирина Приходько 200 метр араны - 2 минут 14,32 секунд, Егор Куимов исә 100 метрны 52,20 секунд эчендә буйсындырган. Аларның икесе дә көмеш медальгә лаек булган. Санкт-Петербургтан Виктория Белякова һәм аның якташы Андрей Минаков беренче урынны яулаган.

Финалда 4x100 метрлы ир-атлар эстафетасында Григорий Тарасевич, Егор Куимов, Вячеслав Мальковский һәм Никита Королев кебек спортчылардан торган Татарстан җыелма командасы өченче урынга лаек булган (3.40,04). Беренче урында – Мәскәү җыелмасы, өченчедә - Санкт-Петербург йөзүчеләре.

Турнир 5-12 апрельдә Мәскәүнең «Олимпийский» спорт комплексында узган.

 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10