ҺАВА ТОРЫШЫ +21 oC

Яңалыклар

барлык хәбәрләр Татарстан Россия

Мәдәният

Әлфия Авзалова яшәгән йортка истәлек тактасы куелачак

10 апрель 2019, 15:06 , Фото: архив / Салават Камалетдинов

Әлфия Авзалова яшәгән йортка истәлек тактасы куелачак Мәрхүмә җырчы Туфан Миңнуллин урамындагы 8а йортында 2004 елдан 2017 елга кадәр яшәде.

(Казан, 10 апрель, «Татар-информ»). Татарстан Премьер-министры Алексей Песошин Казанда ТАССРның халык артисткасы Әлфия Авзалова истәлегенә мемориаль такта урнаштыру турында карар имзалады.

Татарстан Мәдәният министрлыгы һәм Татар дәүләт филармониясе легендар җырчының истәлеген мәңгеләштерергә тәкъдим иткән. Мемориаль такта Туфан Миңнуллин урамындагы 8а йорты фасадында булачак. Җырчы ул йортта 2004 елдан 2017 елга кадәр яшәде.

Мемориаль тактага рус һәм татар телләрендә түбәндәге эчтәлекле язма биреләчәк: «Бу йортта 2014 - 2017 елларда күренекле татар җырчысы Әлфия Авзалова яшәде».

  • Җырчы 2017 елның 15 июнендә 85нче яшендә вафат булды. 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10