ҺАВА ТОРЫШЫ +23 oC

Яңалыклар

барлык хәбәрләр Татарстан Россия

Мәдәният

ТНВ каналы татарча ситком сериал төшерергә планлаштыра

8 апрель 2019, 16:32 , Фото: архив/Султан Исхаков

ТНВ каналы татарча ситком сериал төшерергә планлаштыра Сюжетлар гаилә тормышын яктыртуга корылган булачак.

(Казан, 8 апрель, “Татар-информ”, Ләйлә Хәкимова). Июнь аенда ТНВ каналы татарча ситком сериал төшерә башлаячак. Сериал гаилә тормышын, ир-хатын мөнәсәбәтләрен яктыртуга корылган булыр дип көтелә. Бу хакта “Татар-информ”га "Яңа Гасыр" телерадиокомпаниясе генераль директоры Илшат Әминов хәбәр итте.

  • Ситком – ситуацион комедия, бер урында һәм бер үк персонажлар катнашындагы сериал.

“ТНВ каналында яңа проект башлап җибәрәбез. Июнь аенда татарча ситком сериал төшерәчәкбез. Тамашачылар аның беренче серияләрен сентябрь аенда күрә алачак. Проектның авторы – “Яңа Гасыр” каналының башкарма директоры Айрат Сибагатуллин”, - диде ул.

Илшат Әминов әйтүенчә, сериал гаилә тормышын һәм ир-хатын мөнәсәбәтләрен яктыртуга корылган. “Сериалдагы барлык күренешләр дә гаилә әгъзалары арасында бара. Безгә күп серияле, көн саен бара торган сериал кирәк. Шуның өчен әлеге сериал “Санта Барбара"дан ким булмаячак”, - диде ул.

Идея авторы - Мансур Гыйләҗев. Сериал төшерүдә сценарист буларак Аманулла, Ркаил Зәйдулла, Рәмис Нәҗмиев, Айсылу Хафизова, Рөстәм Кәримуллин, Ләбиб Лерон катнаша.

“Авторлар белән сериалның тарихы, геройларның характеры һәм серияләрнең планын уйладык. Һәрбер сценарист өч серия язды. Ситком – ситуацион комедия, безнең өчен бу яңалык. Кызык тәҗрибә, шуның өчен әлеге идеяне тулысынча хуплыйм”, - диде Айсылу Хафизова.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10