ҺАВА ТОРЫШЫ +12 oC

Яңалыклар

барлык хәбәрләр Татарстан Россия

Авыл

Тукай районында кибетсез авылларга кулланучылар кооперативы хезмәт күрсәтә

6 апрель 2019, 22:00

Автокибет һәр авылга атнага ике мәртәбә чыгачак.

(Тукай районы, 6 апрель, "Татар-информ", "Якты юл", Эльвира Абдуллина). Тукай районында кибетсез авылларга кулланучылар кооперативы хезмәт күрсәтә. Бүген ул барысы 2500ләп кеше яши торган 14 кечкенә авылга көндәлек кирәкле товарлар алып килә. Һәр авылда бер сәгатькә якын сату итә. Бу турыда җирле басма хәбәр итә.

Иң мөһим товар – көнкүрештә беренче чиратта кирәкле продуктлар. Болар – ипи, шикәр, тоз, он, ярмалар. Катырылган ит, сөт продукцияләре, камыр эшләнмәләре, консервлар, ярымфабрикатлар, яшелчәләр, хуҗалык кирәк-яраклары да бар. Тәм-томнар да җитәрлек: әйтик, прәннек-конфетлар, җиләк-җимеш кайнатмалары, колбасалар, тозлы сельд балыгы. Шулай ук гигиена кирәк-яраклары, кием-салым да бар.

– Кечкенә авылларга хезмәт күрсәтү – безнең бурыч. Аеруча Күперле, Шөкрәле, Калиновка, Аулаш, Казаклар авылларында яшәүчеләр көтеп тора безне. Ассортимент киң. Товарны республика житештерүчеләреннән алабыз. Бәяләрне дә бик күтәрмәскә тырышабыз. Ипигә күп еллар бер бәя тора – 25 сум, – ди кулланучылар кооперативы җитәкчесе Елена Дунаева.

Автокибет киләчәктә дә эшен дәвам итәчәк. Һәр авылга атнага ике мәртәбә чыгачак. Ул авыл кешесен ел әйләнәсендә азык-төлек белән тәэмин итәчәк.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10