ҺАВА ТОРЫШЫ +11 oC

Яңалыклар

барлык хәбәрләр Татарстан Россия

Җәмгыять

Татарстанда буран һәм томан көтелә

30 март 2019, 17:20 , Фото: архив

Татарстанда буран һәм томан көтелә Синоптиклар 31 мартта төнлә һәм көндез һава шартларының бозылуын фаразлый.

(Казан, 30 март, «Татар-информ»). Татарстанда буран, көчле җил һәм томан көтелә. Бу турыда Татарстан Гидрометеорология һәм әйләнә-тирә мохитне күзәтү үзәгендә хәбәр иттеләр.

«31 мартта төнлә һәм көндез республика территориясендә һәм Казанда буран булачак. Көньяк-көнбатыштан секундына 15-20 метр тизлектә көчле җил исәчәк. Көндез томан төшүе ихтимал», – диелгән идарәнең матбугат хезмәте хәбәрендә.

Татарстан Гражданнар оборонасы эшләре һәм гадәттән тыш хәлләр министрлыгы буран һәм томан юлда йөрүчеләргә җитди куркыныч тудыруы турында кисәтә.

Машина йөртүчеләргә торак пунктлардан читкә чыкмаска киңәш ителә. Юлда хәрәкәт иткәндә куркынычсыз тизлек сайларга, кинәт тормозга басудан һәм куркыныч маневрлар ясаудан тыелырга киңәш ителә.

Җәяүлеләргә игътибарлы булырга, киемнәргә утны кире кайтара торган билгеләр беркетергә киңәш ителә.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10