ҺАВА ТОРЫШЫ +7 oC

Яңалыклар

барлык хәбәрләр Татарстан Россия

Мәдәният

Казанда Алтын Урда мәдәниятенә багышланган күргәзмә ачыла

30 март 2019, 17:51

Күргәзмәдә Россия һәм чит ил музейларының төрле коллекцияләреннән 600дән артык экспонат булачак.

(Казан, 30 март, «Татар-информ»). 3 апрельдә «Эрмитаж-Казань» үзәгендә «Алтын Урда һәм Причерноморье. Чыңгыз империясе дәресләре» күргәзмәсе ачыла. Анда Монголия империясе мәдәнияте белән танышырга мөмкин булачак. Шулай ук Алтын Урда мәдәниятенә дә зур игътибар биреләчәк. Бу турыда үзәкның матбугат хезмәте хәбәр итә.

Күргәзмәдә монгол күчмәчеләренең җайдаклар һәм шәһәр мәдәнияте, бәйрәм савытлары, ювелир эшләнмәләр, киемнәрен күрергә мөмкин. Архитектура декорларына һәм төрки-монгол Көнчыгышының будда рәсем үрнәкләренә аерым урын бирелгән.

Экспозиция биш бүлектән тора: Чыңгызлыларның җайдак культурасы, Юань һәм Алтын Урда империясенең җайдак культурасы, Чыңгызлыларның шәһәр культурасы, Төньяк Причерноморье һәм Алтын Урда глобализациясе, Алтын Урданың Солхат-Крым шәһәре.

Күргәзмәдә Россия һәм чит ил музейларының төрле коллекцияләреннән 600дән артык экспонат берләштерелгән.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10