ҺАВА ТОРЫШЫ +11 oC

Яңалыклар

барлык хәбәрләр Татарстан Россия

Авыл

Әлмәт фермасында сыерларга массаж ясыйлар

29 март 2019, 06:00 , Фото: Ильнар Тухбатов/архив

Әлмәт фермасында сыерларга массаж ясыйлар Тулаем тәүлеклек савым 30 000 литрны тәшкил итә.

(Әлмәт, 29 март, "Татар-информ", "Әлмәт таңнары"). Әлмәт районының Токарликов исемендәге сөт комплексында сыерлар өчен массаж сеанслары һәм музыкаль терапия уздыралар. бу турыда җирле басма хәбәр итә.

Бу гамәлләр савым күләмен арттырырга мөмкинлек бирә икән. Фермада сыерларга классик музыка куялар. Шулай ук алар өчен тәүлек буе щеткалы массажер эшләп тора. Хайваннарга бары тик витаминнарга бай табигый терлек азыгы гына бирәләр.

Узган ел фермага Венгриядән нәселле терлекнең соңгы партиясе кайтартылган. Комплекста бозаулату бүлеге, ике сыер абзары, сөт блогы һәм өч бозау абзары бар. Махсус лабораториядә сөтнең сыйфаты тикшерелә. Фермада сыер саву, ашату процесслары автоматлаштырылган. Торбалар буенча килгән сөт суыткыч цехында урнашкан махсус савытка тутырыла. Терлек азыгын компьютер аша идарә итә торган махсус техника кертә.

Бүгенге көндә хуҗалыкта 1500 баштан артык мөгезле эре терлек исәпләнә. Тулаем тәүлеклек савым 30 000 литрны тәшкил итә.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10