ҺАВА ТОРЫШЫ +10 oC

Яңалыклар

барлык хәбәрләр Татарстан Россия

Спорт

Казанның “Зенит” волейболчылары регуляр этапның соңгы уенында җиңделәр

23 март 2019, 20:31

Чирекфиналда “Зенит” Уфаның “Урал” командасы белән очрашачак.

(Казан, 23 март, “Татар-информ”, Гөлия Хәсбиуллина). 23 март көнне Казанда “Зенит” волейбол командасы быелгы сезонның Россия чемпионатының регуляр уеннар этабын төгәлләде. Әлеге уенда “Зенит” Ленинград өлкәсенең “Динамо-ЛО” командасын җиңде. Уен Волейбол үзәгендә узды.

“Зенит” Россиянең чемпионатының регуляр этабын турнир таблицада беренче урында урнашып тәмамлый.

Беренче сетта “Зенит” отты: 1-0 (25:14).

Икенче сетта “Динамо-ЛО” волейболчылары 3 очкога калышып җиңелделәр: 2-0 (25:22).

Өченче сетта “Зенит” командасы өстенлекне алды һәм әлеге уенда җиңүгә иреште: 3-0 (25:18).

"Зенит" волейбол командасының старт составы: Лоран Алекно, Вадим Лихошерстов, Алексей Спиридонов, Андрей Сурмачевский, Алексей Кононов, Никита Алексеев, Валентин Кротков, Алексей Вербов.

Киләсе уенны “Зенит” Казанда Волейбол үзәгендә Уфаның “Урал” командасына каршы үткәрәчәк. Әлеге уен белән командалар Россия чемпионатының чирекфинал этабын башлап җибәрәчәк. “Зенит” – “Урал” матчы 29 март 19:00 сәгатьтә башлана. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10