ҺАВА ТОРЫШЫ +10 oC

Яңалыклар

барлык хәбәрләр Татарстан Россия

Җәмгыять

Равил Кузюров Татарстан халкын Халыкара урманнар көне белән тәбрик итте

21 март 2019, 13:15 , Фото: архив/Владимир Васильев

Равил Кузюров Татарстан халкын Халыкара урманнар көне белән тәбрик итте Татарстан Республикасында 2,6 меңнән артык кеше урман сагында тора.

(Казан, 21 март, «Татар-информ»). Татарстанның урман хуҗалыгы министры Равил Кузюров Татарстан халкын Халыкара урманнар көне белән котлады. Бу хакта ведомствоның матбугат хезмәте хәбәр итә.

«Халыкара урманнар көне яки Бөтендөнья урманнарны саклау көне 21 мартта билгеләп үтелә. Әлеге бәйрәмнең максаты – җәмәгатьчелек игътибарын урманнарны саклау проблемасына җәлеп итү, аларның мөһим экологик, икътисади һәм социаль функцияләре турында хәбәрдарлыкны арттыру», - диелә министрның котлавында.

Татарстан Республикасында 2,6 меңнән артык кеше урман сагында тора. «Аларның тырыш, фидакяр хезмәте нәтиҗәсендә республикада сыйфатлы орлык материалы әзерләнә, меңләгән гектарда агач утыртыла», - дип искәртте министр.

Ведомство башлыгы татарстанлыларның урманнарны саклауга зур өлеш кертүен, аларның «Агач утырту көне», «Урман атналыгы», «Татарстанның чиста урманнары» кебек табигатьне саклау акцияләрендә актив катнашуын билгеләп үтте.

Халыкара урманнар көне безне урман ресурсларының кыйммәте һәм аларны киләчәк буыннар өчен саклауның әһәмияте турында уйланырга мәҗбүр итсен иде, дип сүзен йомгаклады ул. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10