ҺАВА ТОРЫШЫ +4 oC

Яңалыклар

барлык хәбәрләр Татарстан Россия

Рәсми Татарстан

Рөстәм Миңнеханов Таҗикстан башкаласында Akia Avesto предприятиесен карады

19 март 2019, 14:29 , Фото: tatarstan.ru

Рөстәм Миңнеханов Таҗикстан башкаласында Akia Avesto предприятиесен карады Татарстан делегациясе рәсми сәфәр белән Таҗикстан Республикасына килде.

(Казан, 19 март, «Татар-информ»). Бүген Татарстан Президенты Рөстәм Миңнеханов Таҗикстан Республикасына эш сәфәре кысаларында Akia Avesto Таҗикстан – Төркия компаниясе предприятиесендә булды. Бу хакта Татарстан Президентының рәсми порталында хәбәр ителә.

«Бүген, 19 мартта, иртән «Akia Avesto» заводы рәсми рәвештә ачылды һәм Татарстан вәкилләре, предприятие эшли башлаганнан соң, аның белән танышкан беренче чит ил делегациясе булды», - диелә матбугат хезмәте хәбәрендә.

Визит делегации Республики Татарстан 
во главе с Президентом Республики Татарстан 
Р.Н. Миннихановым 
в Республику Таджикистан

Предприятиедә җәмәгать транспорты, йөк автомобильләре һәм микроавтобуслар эшләп чыгарылачак. Кунакларга предприятиедә җитештерелә торган автобус модельләрен тәкъдим иттеләр, шулай ук җитештерү цехлары буенча экскурсия үткәрделәр.

Предприятиедә елына 300 берәмлеккә якын транспорт эшләп чыгарылыр дип көтелә. Биредә төрле озынлыктагы автобусларның бишкә якын төрен җитештерү күздә тотыла.

Визит делегации Республики Татарстан 
во главе с Президентом Республики Татарстан 
Р.Н. Миннихановым 
в Республику Таджикистан

Рөстәм Миңнеханов завод белән танышкан вакытта Таҗикстан вәкилләренә Татарстан предприятиеләре, аерым алганда «КАМАЗ» акционерлык җәмгыяте белән хезмәттәшлек мөмкинлекләрен өйрәнергә тәкъдим итте.

Татарстан делегациясе шулай ук Дүшәнбедәге кабель продукциясе җитештерә торган «Нокили Талко» заводында да булды.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10