ҺАВА ТОРЫШЫ +10 oC

Яңалыклар

барлык хәбәрләр Татарстан Россия

Татар дөньясы

Бөтендөнья татар яшьләре форумы һәм Yummy Music татарча альбом яздыру мөмкинлеге бирә

16 март 2019, 14:55

Бәйгедә катанашу өчен берүзең яки төркем белән тере аккомпанементка җыр башкарырга һәм аны видеога төшерергә кирәк.
(Казан, 16 март, "Татар-информ"). Бөтендөнья татар яшьләре форумы һәм Yummy Music лейблының "Тере музыка" конкурсында җиңүчесе альбом яздыру мөмкинлегенә ия булачак. Бу хакта форумның социаль челтәрдәге шәхси сәхифәсендә хәбәр ителә. 
 
Бәйгедә катанашу өчен берүзең яки төркем белән тере аккомпанементка җыр башкарырга һәм аны видеога төшерергә кирәк. 
 
Гаризалар 31 мартка кадәр кабул ителә. 1 апрель көнне ун иң шәп башкаручыны билгеләячәкләр. 
 
Сайлап алынган ун катнашучының материаллары 2 апрель көнне "Мин татарча сөйләшәм" төркемендә эленәчәк, алар өчен тавыш бирү 18 апрельгә кадәр дәвам итәчәк. 
 
Иң күп тавыш җыйган башкаручылар 26 апрель көнне Бауман урамындагы “Мин татарча сөйләшәм” концертында чыгыш ясаячак һәм альбом яздыру өчен студия чыгымнарын капларга 50 мең сум белән бүләкләнәчәк. 
 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10