ҺАВА ТОРЫШЫ -1 oC

Яңалыклар

барлык хәбәрләр Татарстан Россия

Җәмгыять

Уфа кызы Чирмешәндә ветврач-токсиколог вазифаларын башкара

16 март 2019, 09:00 , Фото: nashcheremshan.ru/

Уфа кызы Чирмешәндә ветврач-токсиколог вазифаларын башкара Уфа кызы Чирмешәндә калырга ниятләгән.

(Чирмешән, 16 март, “Татар-информ“, “Безнең Чирмешән“, Гөлсирә Шәрифуллина). Уфа шәһәрендә туып үскән 22 яшьлек Лидия Белюшина бүген район ветеринария берләшмәсендә ветврач-токсиколог вазифаларын башкара. Бу турыда район басмасы яза.

-Кечкенәдән үк хайваннар яратам, - ди Лида. – Шәһәр фатирында яшәсәк тә, мәче дә асрадык, балыкларыбыз да булды, хәтта диңгез дуңгызчыгы да бар иде. Шуңа да 9 нчы сыйныфны тәмамлагач, мин Эстерлетамактагы тармакара көллияткә ветеринария белгечлеге буенча укырга кердем.

Башкортстан аграр унивеситетының икенче курсында укыганда, төркемдәше аны Татарстанга, яңа оешкан “Ильхан” җәмгыятенә эшкә кыстый. Лидия озак уйламый, җыена да, юлга чыга.

-“Ильхан”да мине бик җылы кабул иттеләр, торак та бирделәр. Монда миңа бик ошады, әлегә кадәр мондый, заманча ферма күргәнем юк иде. Биредә сыерларны орлыкландырырга өйрәндем. Ул хисләрне аңлатып бетереп булмый - син орлыкландырган сыер тугыз айдан бозау китерә. Әле хезмәттәшләрем: Лида, бу бозау сиңа ошаган, - дип шаярталар иде, - ди әңгәмәдәшем.

Бүген ул район үзәгендә яши, эшли. “Ильхан” җәмгыятеннән киткәч тә, Уфа кызы Чирмешәндә калырга ниятләгән.

-Миңа Татарстанда, Чирмешәндә бик ошый. Биредә яшьләр өчен бөтен шартлар бар. Теләгең булса, бассейнга барырга, боз сараенда ел дәвамында тимераякта шуарга мөмкин. Балалар бакчалары, мәктәпләр шунда гына. Эшемне дә бик яратам. Җитәкчелеккә рәхмәт, миңа бер бүлмәле фатир бирделәр. Монда яңа дуслар таптым. Әлегә Чирмешәннән китәргә җыенмыйм, киләчәк ничек булыр, анысын әйтә алмыйм, - ди Лидия Белюшина.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10