ҺАВА ТОРЫШЫ -1 oC

Яңалыклар

барлык хәбәрләр Татарстан Россия

Спорт

Питрәчтә әниләр арасында узган волейбол ярышлары җиңүчеләре ачыкланды

16 март 2019, 07:00

Ярыш нәтиҗәләре буенча, икенче мәктәпнең Әниләр советы җиңүче дип табылды.

(Казан, 16 март, "Татар-информ", "Алга"). Районның берничә мәктәбеннән укучыларның әниләре арасында волейбол ярышлары узды. Анда өч команда катнашты, җыелган очколар нәтиҗәсендә, җиңүче билгеләнде. Бу турыда җирле басма хәбәр итә.

- Алар инде күптәннән балалары кебек спортзалга йөрмәсәләр дә, туп белән ничек идарә итәргә кирәклеген беләләр, уен кагыйдәләрен яхшы хәтерлиләр, һәр хәрәкәтне анализлыйлар, күп кенә хәйләле алымнар кулланалар, - ди район үзәге икенче мәктәбенең физкультура укытучысы Рөстәм Кабилҗанов. – Ярышларда катнашырга теләүчеләр күп булды. Башта биш команда уйнады, ә финалга район үзәгенең икенче мәктәбеннән, Ленино-Кокушкино һәм Кощак мәктәпләреннән әниләр чыкты.

Ярыш нәтиҗәләре буенча, икенче мәктәпнең Әниләр советы җиңүче дип табылды, икенче урынны Кощак командасы алды, ә Ленино-Кокушкино командасы өченче булды.

Шундый ук спорт ярышлары Әтиләр советы арасында да үткәрелде, анда финалда Колай әтиләре – беренче, беренче мәктәп – икенче, ә ленинококушкинолылар өченче урынны алды.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10