ҺАВА ТОРЫШЫ +8 oC

Яңалыклар

барлык хәбәрләр Татарстан Россия
×

Дин

Болгар ислам академиясе түбәсенә ярымай урнаштырдылар

15 март 2019, 21:11 , Фото: газета «Новая жизнь»

Болгар ислам академиясе түбәсенә ярымай урнаштырдылар Ярымай махсус заказ белән Мәскәүдә эшләнгән.

(Казан, 15 март, «Татар-информ»). Бүген Ак мәчеттә өйлә намазы төгәлләнгәннән соң, Болгар ислам академиясенә керә торган ишек турында түбәгә символик ярымай урнаштырдылар. Бу хакта «Новая жизнь» газетасы яза.

Тантаналы чара академия президенты Камил Исхаков, Спас районы башлыгы Камил Нугаев, имам-мөхтәсиб Фәрхәт хәзрәт Минсәгыйров, уку йорты студентлары, күпсанлы кунаклар катнашында узды.

Ярымай махсус заказ белән Мәскәүдә эшләнгән. Аны куяр алдыннан академия укытучысы, бөтен мөселман дөньясында билгеле дин белгече шәех Исмәгыйль Болбол дога укыды. Ул шулай ук 922 елда Идел буе болгарлары ирекле рәвештә ислам динен кабул иткән урында әлеге уку йортын сафка бастыруның әһәмиятен аңлаганы һәм төзелеш эшләрендә ярдәм иткәне өчен Россия Президенты Владимир Путинга рәхмәт белдерде.

Шәех шулай ук академия төзелешендә Татарстанның беренче Президенты Минтимер Шәймиев һәм республика Президенты Рөстәм Миңнехановның ролен югары бәяләде, аларга сәламәтлек һәм бәхет теләде.

«Әлеге ярымай Борынгы Болгарга килүчеләрнең игътибарын үзенә җәлеп итеп, ерактан ук күренеп торачак», - дип яза газета.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10