ҺАВА ТОРЫШЫ -1 oC

Яңалыклар

барлык хәбәрләр Татарстан Россия

Фән һәм мәгариф

Татарстанда "Ел укытучысы" исеме билгеле булды

15 март 2019, 18:38 , Фото: Михаил Захаров

Татарстанда Беренче урын өчен 400 мең сум күләмендә акчалата бүләк тә тапшырылачак.

(Казан, 15 март, «Татар-информ», Надежда Гордеева). Казанда  респбуликаның иң яхшы укытучыларның исемнәрен игълан иттеләр. 2нче интернат-лицей мөгаллиме Наил Мирсәетов «Татарстанның ел укытучысы-2019» һөнәри осталык бәйгесе җиңүчесе булды. Ул моңа кадәр «Казан шәһәренең ел укытучысы-2019» дип табылган иде.

Бәйгедә катнашуы хакында сөйләгәндә, педагог ярышларның һәр этабы үзенчә кызыклы һәм җаваплы булуын искәртте. «Республика этабында Татарстанның барлык шәһәр-районнарыннан килгән профессионаллар чыгыш ясавын исәпкә алсак, әлеге җиңү минем өчен бик тә мөһим. Мин җиңү яулавыбызга бик тә шат. Беренче чиратта, бу команданың уңышы», - дип искәртте ул.

Хәзер Наил Мирсәетов Татарстанны «Россиянең ел укытучысы-2019» Бөтенроссия бәйгесе финалында тәкъдим итәчәк.

  • Татарстанда 11-15 мартта «Ел укытучысы» бәйгесенең финал ярышлары узды. Конкурсның беренче этабыннан башлап бәйгедә катнашучылар, мөгаллим булып ничә ел эшләүләрен исәпкә алып, ике номинациягә («Педагогик дебют» һәм «Ел укытучысы») бүленде.

Зона этабында катнашучылар арасыннан 40 педагог - «Ел укытучысы», 26 мөгаллим «Педагогик дебют» номинациясендә финалга үтте.

Беренче урынны яулаган педагогка «Татарстанның ел укытучысы-2019» исеме белән бергә, 400 мең сум күләмендә акчалата бүләк тә тапшырылачак.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10