ҺАВА ТОРЫШЫ +19 oC

Яңалыклар

барлык хәбәрләр Татарстан Россия

Җәмгыять

Азнакайда белгечләр котыру чире турында сөйләшкәннәр

15 март 2019, 02:00 , Фото: aznakaevo-rt.ru/

Азнакайда белгечләр котыру чире турында сөйләшкәннәр Соңгы вакытта мал-туар арасында котыру авыруының артуы күзәтелә.

(Азнакай, 15 март, "Татар-информ", "Маяк", Лиза Нурлыева). Бүген район башкарма комитетында санитар-эпидемиологик профилактика буенча комиссия чираттан тыш утырышка җыелды. Бу турыда район басмасы хәбәр итә.

Анда ветеринарлар, аучылар, табиблар, Гражданнар оборонасы эшләре һәм гадәттән тыш хәлләр министрлыгы хезмәткәрләре, авыл хуҗалыгы белгечләре һәм бу өлкәгә кагылышлы башка ведомстволар вәкилләре катнашты.

Утырышны комиссия рәисе, район башкарма комитеты җитәкчесе Айдар Шәмсетдинов алып барды.

Мондый оператив киңәшмәгә җыелуның сәбәбе дә бар: соңгы вакытта мал-туар арасында котыру авыруының артуы күзәтелә. Бу елга чыккач кына да районда шундый 3 очрак лаборатор тикшерүе белән расланган.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10