ҺАВА ТОРЫШЫ -1 oC

Яңалыклар

барлык хәбәрләр Татарстан Россия

Җәмгыять

Әлмәткә яшь белгечләрне җәлеп итәләр

15 март 2019, 09:00 , Фото: almet-rt.ru/

Әлмәткә яшь белгечләрне җәлеп итәләр Очрашу барышында эшкә урнашкан вакытта тудырылачак шартлар турында әңгәмә алып барылды.

(Әлмәт, 15 март, "Татар-информ", "Әлмәт таңнары"). Әлмәт муниципаль районы башлыгы Айрат Хәйруллин Казан дәүләт медицина университеты студентлары белән очрашты.

Очрашу диалог форматында оештырылды. Биредә КДМУ ректоры Алексей Созинов, Әлмәт муниципаль районы буенча сәламәтлек саклау идарәсе җитәкчесе Вера Головина, Әлмәт үзәк район хастаханәсенең баш табибы вазифаларын башкаручы Алла Назарова, Перинаталь үзәкле Әлмәт балалар шәһәр хастаханәсе җитәкчесе Рәзия Галиева һәм шәһәрнең 3 нче поликлиникасының баш табибы Айдар Габдуллин катнашты.

Очрашу барышында эшкә урнашкан вакытта тудырылачак шартлар турында әңгәмә алып барылды. Югары уку йортларын тәмамлап Әлмәт районы авыл җирлекләренең берсендә 5 елдан артык хезмәт куйган медицина хезмәткәренә йорт сатып алу өчен 1 миллион сум күләмендәге акчалата ярдәм каралган.

Моннан тыш, Әлмәткә Россиянең башка төбәкләреннән эшкә күчеп килүче табибларга торак шартларын яхшырту өчен 500 мең сум күләмендәге финанс ярдәм күрсәтеләчәк.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10