ҺАВА ТОРЫШЫ +9 oC

Яңалыклар

барлык хәбәрләр Татарстан Россия

Рәсми Татарстан

Рөстәм Миңнеханов Таҗикстан Президенты чакыруы буенча Дүшәмбедә Нәүрүз бәйрәмендә була

14 март 2019, 16:03 , Фото: архив/Александр Эшкинин

Рөстәм Миңнеханов Таҗикстан Президенты чакыруы буенча Дүшәмбедә Нәүрүз бәйрәмендә була
 Татарстан Президенты Таҗикстанда яшәүчеләрне кояш календаре буенча яз килүе белән тәбрик итәчәк.

(Казан, 14 март, «Татар-информ», Динара Прокопьева). Татарстан Президенты Рөстәм Миңнеханов Таҗикстан Президенты Эмомали Рахмон чакыруы буенча Дүшәмбедә Нәүрүзне бәйрәм итәчәк. Бу хакта Хөкүмәт Йортында узган брифингта Казан Кремленең рәсми вәкиле Лилия Галимова сөйләде.

«Республика Президенты Дүшәмбедә берничә социаль объектка барачак, шулай ук Таҗикстан Президенты чакыруы буенча Халыкара Нәүрүз бәйрәмендә катнашачак», — диде Галимова. Шулай ук ул Рөстәм Миңнеханов бәйрәмдә катнашучыларны трибунадан сәламләячәк һәм бәйрәм белән котлаячак, дип өстәде.

Таҗикстанда яшәүчеләр рәсми рәвештә 21 марттан 24 мартка кадәр ял итә. Республикада Нәүрүзне бәйрәм итү уңаеннан ул көннәр ял көннәре итеп игълан ителгән.

Нәүрүз - кояш календаре буенча Яңа ел, кыш азагы һәм яз башы бәйрәме. 2009 елда Нәүрүз ЮНЕСКОның кешелекнең матди булмаган мәдәни мирасы исемлегенә кертелде. Соңгы 10 елда ул халыкара бәйрәм санала.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10