ҺАВА ТОРЫШЫ +9 oC

Яңалыклар

барлык хәбәрләр Татарстан Россия

Җәмгыять

Татар федераль милли-мәдәни автономиясе 2015-2018 еллар эшчәнлегенә йомгак ясый

14 март 2019, 12:29

Чарага Россиянең 37 төбәк hәм 2 җирле милли-мәдәни автономияләре делегатлары, барлыгы 80нән артык оешма җитәкчеләре hәм активистлары килүе көтелә.

(Казан, 14 март, "Татар-информ"). 2019 елның 15 мартында 10.00 сәгатьтә Татарстан Республикасы Мәдәният министрлыгының конференцияләр залында (Пушкин ур. 66/33 йорт) Татар федераль милли-мәдәни автономиясе иҗтимагый оешмасының IX хисап-сайлау конференциясе узачак. Бу хакта оешманың матбугат хезмәте хәбәр итә. 

Конференциядә 2015-2018 еллар эшчәнлегенә йомгак ясау; оешма Уставына узгәрешләр кертү; җитәкче органның - Татар федераль милли-мәдәни автономиясе Советы - яңа составын сайлау; оешма үсеше мәсьәләләре буенча фикер алышу hәм башка сораулар каралачак.

Конференциягә Россиянең 37 төбәк hәм 2 җирле милли-мәдәни автономияләре делегатлары, барлыгы 80нән артык оешма җитәкчеләре hәм активистлары килүе көтелә. Чарага дәүләт хакимияте органнары, Татарстан Республикасы җәмәгатьчелеге вәкилләре чакырулы.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10