ҺАВА ТОРЫШЫ +9 oC

Яңалыклар

барлык хәбәрләр Татарстан Россия

Җәмгыять

Бюджет акчасына төзелгән объектларда элмә такталар ике телдә булырга тиеш - Шәйхразиев

14 март 2019, 10:23 , Фото: Михаил Захаров/архив

Бюджет акчасына төзелгән объектларда элмә такталар ике телдә булырга тиеш - Шәйхразиев Премьер-министр урынбасары телләр турында закон үтәлеше буенча кемнәр җаваплы булганын искәртте.

(Казан, 14 март, “Татар-информ”, Гөлнар Гарифуллина). Татарстан Премьер-министры урынбасары Васил Шәйхразиев бюджет акчасына төзелгән объектларда элмә такталар ике дәүләт телендә булырга тиешлеген искәртте. Бу хакта ул ТР Министрлар Кабинеты каршындагы телләр турында законны гамәлгә ашыру буенча совет утырышында әйтте.

Васил Шәйхразиев учреждениеләрдә телләр турында закон бозылу проблемасына игътибарны юнәлтте. “Бу борчулы мәсьәлә. Хастаханәне дә, спорт сараен да бюджет акчасына төзегәннәр, ә элмә такталар ике дәүләт телендә булырга тиешлеген онытканнар. Парк-скверларда да күзәтелә бу әйбер”, - диде.

Васил Шәйхразиев һәр урында телләр турында закон үтәлеше ягыннан казанышлар булганын, ләкин әле республикада закон тулы күләмдә үтәлмәгәнен әйтте. Ул закон үтәлеше буенча министрларның беренче урынбасарлары, район һәм шәһәр башлыклары урынбасарлары яки башкарма комитет җитәкчеләре җаваплы булганын билгеләп узды.

Премьер-министр урынбасары башкарма хакимият органнары сайтларында хәбәрләрне тулаем ике дәүләт телендә бирү буенча 100 процент дәрәҗәгә ирешелгәнен әйтте.

ТР Президенты Аппараты җитәкчесе Әсгать Сәфәров закон үтәлмәгән өчен администрацияләрдән таләп итү кирәклеген ассызыклады.

“Бауман урамында татар телендә элмә такталар - 10 процент кына. Мин аңламыйм, ник без һаман гел шушы сораулар турында сөйләшергә тиешбез. Администрациядән сорый, таләп итә башларга тиешбез. Эш әйбәт бара дип, үзебезне тынычландырабыз, чынлыкта исә бик акрын”, - диде.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10