ҺАВА ТОРЫШЫ -1 oC

Яңалыклар

барлык хәбәрләр Татарстан Россия

Авыл

Кайбыч районы башлыгы фермалар эшчәнлегенә бәя бирде

14 март 2019, 04:00 , Фото: kaibicy.ru

Кайбыч районы башлыгы фермалар эшчәнлегенә бәя бирде Район башлыгы терлекчелек биналарында тәртип булдырырга кирәклегенә басым ясады.

(Кайбыч, 14 март, "Татар-информ", "Кайбыч таңнары"). Кайбыч районы башлыгы Альберт Рәхмәтуллин район ветеринария берләшмәсе башлыгы Илсур Зиадиев белән берлектә “Туган як – Агро” һәм “Родина” хуҗалыкларының товарлыклы-сөтчелек фермаларында булды. Бу туры җирле басма хәбәр итә.

“Туган як – Агро” хуҗалыгында аларны инвестор Альберт Хәялиев, хуҗалык җитәкчесе Рәмис Хәйретдинов каршы алды. Терлекчелек биналарын карап йөргәндә Альберт Илгизәрович биредә терлек азыгының сыйфатлы, малларның көр, чиста, бина эчендә дә чисталык хөкем сөрүен билгеләп үтте. Әлеге хуҗалыкта хәзерге вакытта бер көнгә барлыгы 1184, бер сыерга 11,8 килограмм сөт савыла.

“Родина” хуҗалыгында кунакларны хуҗалыкның генераль директоры Иван Чекмарев, башкарма директоры Радик Миңнуллин, Подберезье авыл җирлеге башлыгы Федор Чекмарев каршы алды. Район башлыгы терлекчелек биналарында тәртип булдырырга кирәклегенә басым ясады.

“Родина” хуҗалыгы терлекчеләре бүгенге көндә барлыгы 2458, бер сыерга 9,8 килограмм сөт савалар.

 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10