ҺАВА ТОРЫШЫ +15 oC

Яңалыклар

барлык хәбәрләр Татарстан Россия

Спорт

“УНИКС” баскетболчылары Еврокубокның ярымфинал этабына узды

13 март 2019, 21:25 , Фото: архив/Ильнар Тухбатов

“УНИКС” баскетболчылары Еврокубокның ярымфинал этабына узды “УНИКС” Краснодар кунакларыннан дүрт очкога өстен чыгып җиңде.

(Казан, 13 март, “Татар-информ”, Гөлия Хәсбиуллина). Бүген Казанның “УНИКС” баскетбол командасы Европа кубогының чирекфиналында җиңде. “УНИКС”ның көндәше – Краснодар шәһәренең “Локомотив – Кубань” командасы булды. Уен Казанда “Баскет-холл”да узды.

Беренче чиректә Казанның “УНИКС” командасы 6 очкога калышты – 10:16.

Икенче чиректә Казан баскетболчылары алга чыга алды – 37:29.

Өченче чиректә дә “УНИКС” командасы “Локомотив – Кубань”нан өстен чыкты – 47:46.

Дүртенче чиректә Краснодар командасының бер дә калышасы килмәде, тик “УНИКС” баскетболчылары, 4 очкога өстен чыгып, әлеге уенда җиңү яуладылар – 69:65.

Чирекфинал этабы ике җиңүгә хәтле барды. Беренче уенда “УНИКС” отты, тик икенче уенда өстенлекне Краснодар баскетболчылары алды. Бүгенге уенда Казан спортчылары икенче җиңүгә ирештеләр һәм Европа кубогының ярымфинал этабына уздылар. Киләсе этапта Казанның “УНИКС” баскетбол командасы Испаниянең “Валенсия” командасы белән көч сынашачак.

Еврокубок кысаларында “УНИКС” – “Локомотив – Кубань” очрашулары тәмамланса да, әлеге ике команда 16 март көнне 14:30 сәгатьтә Краснодарда яңадан күрешәчәк. Киләсе уен даими чемпионат кысаларында узачак.  


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10