ҺАВА ТОРЫШЫ 0 oC

Яңалыклар

барлык хәбәрләр Татарстан Россия

Мәдәният

Зифа Кадыйрова районнарда китап кибетләре ачарга кирәк дип саный

13 март 2019, 16:46 , Фото: архив/Яков Абрамов

Зифа Кадыйрова районнарда китап кибетләре ачарга кирәк дип саный Китап кибетләре булса, халык рәхәтләнеп китап укыячак, диде язучы.

(Казан, 13 март, “Татар-информ”, Марат Мөбарәкшин). Язучы Зифа Кадыйрова Татарстан районнарында китап кибетләре булырга тиеш дип уйлый. Ул бу фикерен “Татар-информ” хәбәрчесенә әйтте.

“Китаплар сатылмый, диләр. Сата торган урыны булмагач, халык кайдан сатып алсын соң? Халык белән очрашуга барсаң, китапны ябырылып алалар. Бигрәк тә авылларда. Чөнки аларның китап сатып алыр урыннары юк. Татар китабы Казанда чыга һәм Уфага бара. Ә авыл кешесе, китап алыр өчен, Уфага бармый бит”, - диде Зифа Кадыйрова.

Язучы фикеренчә, әдәбиятны саклар өчен, беренче чиратта районнарда китап кибетләре булдырырга кирәк. Алар булса, авыл халкы рәхәтләнеп китап укыячак. Шуңа күрә китап кибетләре ачарга кирәк.

“Язучыларга күбрәк халык белән аралашырга, алар арасына чыгарга кирәк. Китапны язып, чыгарып кына эш бетми, аны укучыга җиткерә белергә дә кирәк. Мин Татарстанда чыккан язучыларның китапларын читкә алып чыгам, халыкка җиткерергә тырышам”, - диде ул.

  • Зифа Кадыйрова 1958 елның 7 октябрендә Башкорстанның Учалы районы Ахун авылында туган. Күренекле китаплары: “Көтеп узган гомер”, “Сагынырсың – мин булмам”, “Язмыш сынавы”, “Бәхеткә юл кайдан?”.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10