ҺАВА ТОРЫШЫ +13 oC

Яңалыклар

барлык хәбәрләр Татарстан Россия

Хәвеф-хәтәр

Казанда бишенче сыйныфта укучы балага автобуста бәйләнгән ирне тотканнар

13 март 2019, 14:14

Бу ир-ат күптән түгел колониядән чыккан, ул балигъ булмаганнарга карата көч кулланган өчен хөкем ителгән булган.

(Казан, 13 март, «Татар-информ»). Казанда автобуста кыз балага бәйләнгән 35 яшьлек ир-атны тотканнар. Бу хакта «Татар-информ»га үз чыганакларыннан билгеле булды.

Чыганак мәгълүматлары буенча, вакыйга дүшәмбе көнне, 11 мартта була. Бер мәктәп ишегалдында чит ир-ат бишенче сыйныфта укучы кыз баланы күзәтеп тора. Ул кыз бала артыннан барып, автобуска утыра. Җәмәгать транспорты салонында бу кеше кыз балага бәйләнә башлый.

Укучы кыз тукталышта автобустан чыга һәм кибеткә юнәлә. Ул әлеге ир-атның үзе артыннан күзәткәнен күреп ала. Бала ярдәм сорап сатучыларга мөрәҗәгать итә. Моны аңлап алган ир-ат качып китә

Җинаятьченең шәхесен видеокүзәтү камерасы язмаларыннан ачыклаганнар. Кыз аны таныган. Ир-ат тоткарланган.

«Татар-информ» мәгълүмат агентлыгы үз чыганакларыннан ачыклаганча, шикләнелүче кеше шундый җинаять өчен колониядә утырган булган һәм күптән түгел генә иреккә чыккан.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10