ҺАВА ТОРЫШЫ +9 oC

Яңалыклар

барлык хәбәрләр Татарстан Россия

Икътисад

Дәүләт Думасында пенсияләргә өстәмәләр турындагы закон проектын караячаклар

12 март 2019, 10:49

Закон проекты кабул ителгәннән соң эшләмәүче пенсионерларның пенсиясен ел башыннан яңадан исәпләячәкләр.

(Казан, 12 март, «Татар-информ»). Бүген Дәүләт Думасы утырышында беренче укылышта төбәк яшәү минимумына җитмәгән пенсияләргә өстәмәләр турындагы закон проектын караячаклар. Бу хакта «Российская газета» яза.

Әлеге закон проектын ил Президенты Федераль Җыенга Юлламасында пенсияләрне яңадан исәпләргә чакырганнан соң әзерләделәр.

Әгәр кешенең пенсиясе төбәктәге яшәү минимумыннан түбәнрәк икән, ул үз пенсиясенә аның күләмен яшәү минимумына җиткерә торган өстәмә алачак. Яңа закон проекты башта пенсияләрне пенсионерларның яшәү минимумына җиткерүне, шуннан соң аны индексацияләүне күздә тота.

Закон проекты кабул ителгәннән соң эшләмәүче пенсионерларның пенсиясен ел башыннан яңадан исәпләячәкләр.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10