ҺАВА ТОРЫШЫ +26 oC

Яңалыклар

барлык хәбәрләр Татарстан Россия

Җәмгыять

Татарстанда барлык боз кичүләрен яптылар

11 март 2019, 21:51

Бүген структура һәм боз калынлыгы үзгәрүе аркасында Идел аша ике кичү һәм Кама аша бер кичү эшләүдән туктады.

(Казан, 11 март, «Татар-информ»). Татарстанда бу сезонда барлык боз кичүләрен япканнар. Бу хакта «Татар-информ»га Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

«Бүген 13.00 сәгатьтән Яшел Үзән - Түбән Карамалы боз кичүе үз эшен тәмамлады. ГИМС Үзәге инспекторлары техник тикшерүдә структураның үзгәрүен һәм боз калынлыгын ачыклады. 15.00 сәгатьтә Аракчино – Югары Ослан маршруты кичүе ябылды. Шулай итеп, Татарстанда барлык боз кичүләре бүгенге көннән ябылган», - дип сөйләделәр Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә.

«Татар-информ» элек дүшәмбе, 4 мартта, Соколка авылы - Яңа Закамский авылы маршруты буенча бу сезонда беренче боз кичүе ябылганлыгын хәбәр иткән иде. Бүген иртәнге сәгать сигездән республиканың Алабуга районындагы Покровское – Красный Ключ авылы маршруты буенча Кама елгасы аша боз кичүе аша хәрәкәт туктатылды.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10