ҺАВА ТОРЫШЫ +13 oC

Яңалыклар

барлык хәбәрләр Татарстан Россия

Хәвеф-хәтәр

Эфиопиядә һәлакәткә тарыган лайнер бортында Россиядән өч кеше булган

10 март 2019, 15:55

Ethiopian Airlines Group вәкилләре хәбәр иткәнчә, авиакатастрофа нәтиҗәсендә 149 пассажир һәм сигез экипаж әгъзасы һәлак булган.

(Казан, 10 март, «Татар-информ»). Якшәмбе көнне иртән Найробига Аддис-Абебадан рейс үтәгәндә һәлакәткә очраган Ethiopian Airlines самолеты бортында өч Россия кешесе дә булган. Бу хакта Ethiopian Airlines Group вәкилләре Аддис-Абебада узган матбугат конференциясендә әйткән. Бу хакта "ТАСС" хәбәр итте.

149 пассажир һәм экипажның сигез әгъзасы авиаһәлакәт корбаннары булган.

Авиакомпания вәкилләре хәбәр иткәнчә, һәлак булган унсигез граждан Канада, тугызы - Эфиопия, сигезе - Италия, сигезе - Кытай, сигезе - АКШ, җидесе - Бөекбритания, җидесе - Франция, алтысы - Мисыр, бишесе - Нидерланд, дүртесе - Яңа Зеландия, дүртесе - Һиндстан, дүртесе - Словакия, өчесе - Австрия, өчесе - Швеция, өчесе - Россия, икесе Марокко, икесе - Испания, ике Израиль, берсе Бельгия гражданины булган. Тагын өч пассажир БМО паспортлары белән булган, аларның милләте билгеләнә, дип ачыклаганнар компаниядә.

«Pravda» Братиславская газетасы мәгълүматлары буенча, Эфиопиядә һәлакәткә тарыган лайнер бортында танылган Словакия сәясәтчесе гаиләсе булган. Басма, сәясәтченең исеме рәсми мәгълүмат чыкканчы аталмаячак, дип билгеләп үтә.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10