ҺАВА ТОРЫШЫ +1 oC

Яңалыклар

барлык хәбәрләр Татарстан Россия

Мәдәният

Җиңү музее «Бөек Ватан сугышы турында иң яхшы экскурсия» конкурсына гаризалар кабул итә

10 март 2019, 17:33

Җиңүчеләрне Халыкара музейлар көнендә - 18 майда Җиңү музеенда бүләкләячәкләр.

(Казан, 10 март, «Татар-информ»). Җиңү музее «Бөек Ватан сугышы турында иң яхшы экскурсия» Бөтенроссия конкурсына гаризалар кабул итүне игълан итте. Иҗади ярыш Җиңүнең 75 еллыгын бәйрәм итүгә әзерлек кысаларында үткәрелә. Бу хакта оештыручылар хәбәр итә.

Катнашучылар ике номинациядә – «Балаларга музей» (укучылар өчен экскурсияләр) һәм «Яшьләр порталы» нда (18 яшьтән 30 яшькәчә булган кешеләр өчен программалар) җиңү өчен көч сынашачак. Жюри экскурсион методиканың үтәлешен, интерактивлык һәм оригинальлек, теманы ачу тирәнлеген бәяли.

Конкурста катнашу өчен 20 апрельгә кадәр музей адресына экскурсия видеоязмасын җибәрергә кирәк.

Җиңүчеләрне Халыкара музейлар көнендә - 18 майда Җиңү музеенда бүләкләячәкләр. Иң яхшы экскурсоводларга һәм музейларга сертификатлар тапшырылачак. Музейның социаль челтәрләрендә дә якты һәм үзенчәлекле экскурсияләрнең язмаларын урнаштырачаклар.

Калган катнашучылар өчен конкрет экскурсия алып бару буенча мастер-класс үткәреләчәк.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10