ҺАВА ТОРЫШЫ +20 oC

Яңалыклар

барлык хәбәрләр Татарстан Россия

Спорт

Сноубордчы Владислав Хадарин Красноярск Универсиадасында «көмеш» яулады

10 март 2019, 12:37 , Фото: minsport.tatarstan.ru

Сноубордчы Владислав Хадарин Красноярск Универсиадасында «көмеш» яулады

Татарстан спортчысы ярышларда ватандашы Антон Мамаевка җиңелде.

(Казан, 10 март, «Татар-информ»). Татарстан спортчысы Владислав Хадарин Красноярск Универсиадасында слоупстайл дисциплинасында икенче урын алды. Бу хакта Татарстан Спорт министрлыгы сайтында хәбәр ителә.

«Икенче сикерештә Хадарин нәтиҗәсен икенче бер россияле - Антон Мамаевка гына узып китте, ул 95,00 балл җыйды һәм беренче урынны алды», – дип хәбәр итә ведомствоның матбугат хезмәте.

«Бронза»ны Финляндия спортчысы Аксель Телен яулады (89,25 балл).

Красноярск шәһәрендә XXIX Бөтендөнья кышкы универсиада 2 мартта старт алды һәм 12 мартка кадәр дәвам итәчәк. Татарстан спортчылары Россия җыелма командасына инде төрле дәрәҗәдәге берничә медаль китерде. 3 мартта Идел буе спорт һәм туризм академиясе студенты Яна Кирпиченко Универсиаданың беренче стартларында бронза медаль яулады.

5 һәм 6 мартта Татарстанның башка спортчысы - Милена Быкова сноуборд һәм параллель слалом буенча ярышларда «көмеш» һәм «алтын» яулады. 6 мартта шулай ук Христина Мацокина чаңгы спринтында «көмеш» яулады.

8 март көнне чаңгычылар Христина Мацокина һәм Александр Терентьев классик стильдә катнаш команда спринтында алтын медаль яулап алдылар. Кичә «Татарстан» командасы синхрон фигуралы шуу буенча ярышларда, Финляндиядән ике командадан гына калышып, бронза медальләр яулады.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10