ҺАВА ТОРЫШЫ +12 oC

Яңалыклар

барлык хәбәрләр Татарстан Россия

Җәмгыять

Уфада туып-үскән ике гүзәл зат Россиянең иң медияле хатын-кызлары топ-50нә керде

10 март 2019, 11:38

Сигезенче урынны Россия Үзәк банкы рәисе Эльвира Нәбиуллина, ә рок-җырчы Земфира 48нче урынны яулаган.

(Казан, 10 март, «Татар-информ»). «Медиалогия» компаниясе Россия хатын – кызларының медиарейтингын 2018 елның мартыннан 2019 елның мартына кадәр әзерләде. Уфада туып-үскән ике гүзәл зат медияле хатын-кызлар топ-50гә керде. Бу хакта «Башинформ» хәбәр итә.

Сигезенче урында - Россия Үзәк банкы рәисе Эльвира Нәбиуллина (массакүләм-матбугат чараларында бер ел эчендә хәбәрләр саны — 66 274). Рок-җырчы Земфира 48нче урынны алды (12 174 хәбәр).

Рейтинг лидерлары - рәсми Россия дипломаты, Россия Тышкы эшләр министрлыгы вәкиле Мария Захарова (158 474 хәбәр), Россия сәясәтчесе, журналист Ксения Собчак (135 265) һәм телетапшырулар алып баручы Ольга Бузова (118 566).

Медиарейтинг 49 меңнән артык чыганак: ТВ, радио, газета, журналлар, мәгълүмат агентлыклары, интернет-мәгълүмат чараларын үз эченә алган «Медиалогия» системасы базасы нигезендә Россия массакүләм- мәгълүмат чараларындагы хәбәрләр саны буенча төзелгән.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10