ҺАВА ТОРЫШЫ 0 oC

Яңалыклар

барлык хәбәрләр Татарстан Россия
×

Фән һәм мәгариф

9нчы сыйныфны тәмамлаучылар өчен имтихан алдыннан үткәрелгән әңгәмәгә 261 укучы килмәгән

5 март 2019, 16:56 , Фото: архив/Рамиль Гали

9нчы сыйныфны тәмамлаучылар өчен имтихан алдыннан үткәрелгән әңгәмәгә 261 укучы килмәгән Укучыны төп дәүләт имтиханына кертү-кертмәү әңгәмә нәтиҗәләренә буенча хәл ителә.

(Казан, 5 март, “Татар-информ”, Гөлнар Гарифуллина). Быел 9нчы сыйныфны тәмамлаучылар өчен рус теленнән имтихан алдыннан беренче тапкыр әңгәмә үткәрелгән. Тик анда 261 укучы килмәгән. Бу хакта ТР Министрлар Кабинетында брифингта Татарстан вице-премьеры - мәгариф һәм фән министры Рафис Борһанов әйтте.

Әңгәмә 13 февраль көнне барлыгы 994 урта һәм төп мәктәптә оештырылган. Әлеге әңгәмә нәтиҗәләренә карап, төп дәүләт имтиханына кертү-кертмәү хәл ителә. 37 мең 471 бала “зачет” алган. 271 балага “зачет” куелмаган, шуларның унысы биремнәрне үти алмаган, 261е килмәгән.

Рафис Борһанов әңгәмәгә килмәүчеләр өчен өстәмә сроклар итеп, 13 март, 6 май көннәре билгеләнгәнен әйтте. Әңгәмә барышында текстны кычкырып уку, цитаталарны кертеп, эчтәлеген сөйләү, монолог, диалог кору кебек биремнәр кушыла.

Әңгәмә нәтиҗәләреннән күренгәнчә, иң еш күренә торган хаталар – укыганда һәм сөйләгәндә сүзләрне бозып әйтү, монолог һәм диалогта грамматик хаталар, сүз байлыгы ярлы булу, бертөрле сүзтезмәләр куллану.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10