ҺАВА ТОРЫШЫ +27 oC

Яңалыклар

барлык хәбәрләр Татарстан Россия

Мәдәният

Рифат Фәттахов Тукай премиясенә тәкъдим ителгән

21 февраль 2019, 16:54 , Фото: архив/Салават Камалетдинов

Рифат Фәттахов Тукай премиясенә тәкъдим ителгән Рифат Фәттахов республикада музыкаль продюсерлыкка нигез салучыларның берсе.

(Казан, 21 февраль, «Татар-информ», Рузилә Мөхәммәтова). Ваһапов исемендәге татар мәдәниятен үстерү фонды директоры, танылган продюсер Рифат Фәттахов Тукай премиясенә тәкъдим ителгән. Бу мәгълүматны «Татар-информ»га Рифат Фәттахов үзе раслады.

«Әле бу хакта сөйләшергә иртәрәк. Әмма документлар тапшырылуы хак», - диде Рифат Фәттахов. Танылган продюсер быел Ваһапов фестиваленең барлыкка килүенә 15 ел булуын, югары профессиональ дәрәҗәдәге фестиваль халыкара масштабларда үткәрелүен искәртте.

  • Фестивальнең концертлары Россиянең 49 регионында һәм 11 илдә үткән. Фестиваль концертларында үз вакытында Илһам Шакиров, Әлфия Авзалова, Фуат Мансуровлар катнашкан. Фестиваль кысаларында яшь башкаручылар конкурсы уздырыла.
  • Рифат Фәттахов республикада музыкаль продюсерлыкка нигез салучыларның берсе дип санала. Танылган җырчылар Филүс Каһиров һәм Ришат Төхвәтуллиннар Ваһапов фестивале аша танылган җырчылар.
  • 13 майда Салих Сәйдәшев исемендәге Зур концертлар залында фестивальнең юбилей гала-концерты үтәчәк.
  • Тукай премиясенә тәкъдим ителгән кандидатлар исемлеге Татарстан Президенты карамагындагы Габдулла Тукай исемендәге Татарстан Республикасы Дәүләт премияләре буенча комиссиясе утырышында билгеләнәчәк. Җәмәгатьчелек шушы көннәрдә исемлекнең әзер булуын көтә.
     

Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10