ҺАВА ТОРЫШЫ +1 oC

Яңалыклар

барлык хәбәрләр Татарстан Россия

Мәдәният

Уфада тифлокомментарийлы беренче татарча спектакльне Камал театры күрсәтте

18 февраль 2019, 09:09 , Фото: Салават Камалетдинов/архив

Уфада тифлокомментарийлы беренче татарча спектакльне Камал театры күрсәтте Сөмбел Гаффарованың “Килмешәк” спектакле Камал театрының Кече залында бара.

(Казан, 11 февраль, «Татар-информ», Рузилә Мөхәммәтова). Кичә Уфада “Килмешәк” спектакле татарча тифлокомментарийлар белән күрсәтелде. Бу хакта беренче татар тифлокомментаторы, Татарстанның сукырлар һәм начар күрүчеләр өчен махсус китапханәсе белгече Гөлүсә Закирова хәбәр итә, әлеге вакыйганың Уфа өчен яңалык булуын әйтә.

“Без моңарчы Камал театрында “Килмешәк”не тифлокомментарийлар белән күрсәткән идек инде. Уфада беренче тапкыр гастрольләрдә кулланып карадык. Бик уңышлы үтте. Спектакльне тифлокомментарийлар белән карарга, озатып йөрүчеләре белән бергә, егермеләп кеше килгән иде”, – ди Гөлүсә Закирова.

Гөлүсә Закирова Уфага артистлар белән бергә килгән. Тифлокомментарийлар өчен кирәкле җиһазларны – 20 плеер, бер кулланылышлы колакчыннарны, датчик белән микрофонны Казаннан алып килгән.

Сукырларга һәм начар күрүчеләргә спектакльгә билетлар “Особый взгляд/Special view” программасы аша бушка таратылган. Гөлүсә Закировага бу очракта Уфадагы коллегалары – БР Сукырлар һәм начар күрүчеләр өчен махсус китапханәсе хезмәткәрләре булышкан. “Без алар белән күп еллар тыгыз элемтәдә, татарча китаплар жибәреп тә торабыз”, - ди ул. Гөлүсә Закирова Камал театрының бу спектакле Уфада башкортча тифлокомментарийлы спектакльләр чыгара башларга этәргеч булыр дип саный. 

  • Тифлокомментарийлы спектакль - тамашачыга сәхнәдә барган тамаша турында колакчыннар аша өстәмә мәгълүмат бирелү.
  • Сөмбел Гаффарованың “Килмешәк” спектакле Камал театрының Кече залында бара. Режиссеры – Фәрит Бикчәнтәев.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10