ҺАВА ТОРЫШЫ +11 oC

Яңалыклар

барлык хәбәрләр Татарстан Россия

Сәясәт

Алексей Песошин Кыргызстан делегациясе белән хезмәттәшлек турында фикер алышты

12 февраль 2019, 16:46 , Фото: tatarstan.ru

Алексей Песошин Кыргызстан делегациясе белән хезмәттәшлек турында фикер алышты Кыргызстан Республикасы Президенты Аппараты җитәкчесенең беренче урынбасары Алмаз Кененбаев җитәкчелегендәге делегация Казанга килде.

(Казан, 12 февраль, «Татар-информ»). Бүген Татарстан Республикасы Премьер-министры Алексей Песошин һәм Кыргызстан Республикасы Президенты Аппараты җитәкчесенең беренче урынбасары Алмаз Кененбаев хезмәттәшлек һәм кайбер үзара эш юнәлешләре буенча фикер алыштылар. Бу хакта Татарстан Президенты матбугат хезмәте хәбәр итә.

Очрашу Татарстан Республикасы Хөкүмәте Йортында Кыргызстан Республикасы делегациясенең Казанга эш сәфәре кысаларында узды.

Встреча Премьер-министра Республики Татарстан А.В. Песошина с Первым заместителем руководителя Аппарата Президента Киргизии Алмазом Мукановичем Кененбаевым

«Кыргызстан Республикасы безнең өчен мөһим партнерларның берсе һәм бу хакта үсештә булган товар әйләнеше дә сөйли», — дип белдерде Песошин. Ул 2018 елның тугыз ае йомгаклары буенча Кыргызстан белән товар әйленеше 48,5 млн доллар тәшкил итүен әйтте.

Очрашу барышында конфессияара мөнәсәбәтләр, дин гыйлеме өлкәсендә кадрлар әзерләү, ике яклы товар әйләнеше күләмен арттыру мәсьәләләре буенча фикер алыштылар.

Алмаз Кененбаев очрашуда Кыргызстан Республикасы Россия, шул исәптән төбәкара дәрәҗәдә дә актив хезмәттәшлек итәргә әзер, дип белдерде. «Без Россия Федерациясе төбәкләре белән хезмәттәшлеккә югары дәрәҗәдә сәяси диалогны саклап калуның нәтиҗәле механизмы буларак карыйбыз. Үзара файдалы хезмәттәшлекне тирәнәйтүдә Татарстан Кыргызстанның тышкы сәяси һәм тышкы икътисади эшчәнлегендә аерым урын алып тора», - дип билгеләп үтте ул.

Встреча Премьер-министра Республики Татарстан А.В. Песошина с Первым заместителем руководителя Аппарата Президента Киргизии Алмазом Мукановичем Кененбаевым

Ул шулай ук Кыргызстанны Татарстан сәнәгать продукциясе белән тәэмин итү, шул исәптән МВЕН фирмасының махсуслаштырылган самолетларын озату һәм ягулык-энергетика өлкәсендә хезмәттәшлек итү турында да билгеләп үтте.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10