ҺАВА ТОРЫШЫ +9 oC

Яңалыклар

барлык хәбәрләр Татарстан Россия

Рәсми Татарстан

Владимир Путин РФ Дәүләт Советы президиумы утырышында катнашу өчен Татарстанга килде

12 февраль 2019, 15:39 , Фото: tatarstan.ru

Владимир Путин РФ Дәүләт Советы президиумы утырышында катнашу өчен Татарстанга килде Аэропортта Илбашын Татарстан Президенты Рөстәм Миңнеханов каршы алган.

(Казан, 12 февраль, “Татар-информ”, Гөлнар Гарифуллина). Россия Федерациясе Президенты Владимир Путин РФ Дәүләт Советы президиумы утырышында катнашу өчен Татарстанга килде. Бу хакта “Татар-информ” агентлыгына ТР Президенты матбугат хезмәтендә хәбәр иттеләр.

Утырыш халыкның торак шартларын яхшырту һәм кулай шәһәр мохите булдыруга багышлана. “РФ Президенты Владимир Путин Татарстанга килде, аэропортта аны Татарстан Президенты Рөстәм Миңнеханов каршы алды”, - дип әйттеләр матбугат хезмәтендә.

Путин үзгәртеп корылган “Московский” мәдәният һәм спорт үзәгенә барыр дип көтелә. Анда иҗади, интеллектуаль һәм физик үсеш өчен уңайлы шартлар тудырылган. Илбашының җәмәгатьчелек вәкилләре белән очрашып, “Торак һәм шәһәр мохите” илкүләм проектын гамәлгә ашыру мәсьәләсен күтәрүе ниятләнә. Моннан тыш, “КАМАЗ-Мастер” спорт командасы вәкилләре белән очрашачак.

Казаннан Россия Президенты илнең иң яшь шәһәре Иннополиска юл тотачак. Биредә РФ Дәүләт Советы президиумының киңәйтелгән утырышы узачак. Халыкның торак шартларын яхшырту һәм уңайлы шәһәр мохите булдыру буенча Россия субъектлары башкарма хакимияте органнары эше турында сөйләшәчәкләр.

Катнашучылар торак базарын үстерү, торак төзелешен финанслау механизмнарын камилләштерү, инженер, транспорт һәм социаль инфраструктураның комплекслы үсеше, киңкүләм торак төзелеше максатларында җирләрнең нәтиҗәле кулланышы мәсьәләләре буенча түгәрәк өстәлләрдә фикер алышачак.

Утырышта төзелеш тармагын яңарту, торак сыйфатын арттыру, норматив-хокукый базаны камилләштерү, гражданнарны яшәүгә яраксыз торактан күчерү мәсьәләләре күтәреләчәк.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10