ҺАВА ТОРЫШЫ -5 oC

Яңалыклар

барлык хәбәрләр Татарстан Россия

Спорт

Актанышта Муса Җәлил истәлегенә рәттән ике көрәш турниры уздырыла

12 февраль 2019, 08:12 , Фото: архив/Салават Камалетдинов

Актанышта Муса Җәлил истәлегенә рәттән ике көрәш турниры уздырыла Беренче турнирда - 400, икенчесендә 125 көрәшче катнашуы көтелә.

(Казан, 12 февраль, “Татар-информ”, Энҗе Габдуллина). 13-18 февраль көннәрендә Актанышта Муса Җәлил истәлегенә багышланган ике дәрәҗәле көрәш турниры узачак. Быел беренче тапкыр ике турнирны да рәттән уздырырга уйлаганнар. Бу хакта “Татар-информ”га Татарстан көрәш федерациясенең башкарма директоры Равил Хәйруллин хәбәр итте.

Турнирларның берсе “Ватаным Татарстан” газетасы призларына булса, икенчесе бөтенроссия көрәш турниры дәрәҗәсен йөртә. 

“Ватаным Татарстан” газетасы призларына уздырылучы турнирга 50 командадан 400ләп көрәшче катнашырга теләк белдерде. Ә бөтенроссия турнирында төбәкләрдән 15 командадан 125ләп көрәшче катнашуы көтелә. Аларның күбесе безнең күршеләр: Башкортстан, Марий-Эл, Чувашия, Удмуртия Республикалары, Ульяновск, Самара, Киров өлкәләре. Шулай ук, Төмән, Свердловск яклары да бар”, - диде Равил Хәйруллин.

Равил Хәйруллин Татарстан командасына көрәшчеләрне ничек сайлауларын да әйтте. “Татарстан командасының составы инде билгеле. Командага, спорт остасы дигән исемне алсыннар дип, быел Татарстан беренчелегендә һәм Авыл хуҗалыгы призына уздырылган ярышларда икенче һәм өченче урын алучыларны гына алдык. Беренче урын алучыларның инде андый исемнәре бар, нәрсәгә көрәшеп торырга аларга”, - диде.

16 февральдә ачылу тантанасы, беренче әйләнешләр, ә 17се көнне финал уеннары уздыру каралган. Көрәшчеләр 9 үлчәү авырлыгында бил алышачак. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10