ҺАВА ТОРЫШЫ +18 oC

Яңалыклар

барлык хәбәрләр Татарстан Россия

Җәмгыять

Буа районы Вольнистан авылында урам утлары май аеннан бирле янмый

11 февраль 2019, 04:00

Бу эшне 2014 елда республика программасы нигезендә Казанның “Средневолжскэлектросетьстрой” предприятиесе башкарган булган.

(Буа, 11 февраль, "Татар-информ", "Байрак"). Буа районы Вольнистан авылының Калинин урамында урам утлары май аеннан бирле янмый. Калинин урамында яшәүчеләр үзе кабынып-сүнүче утларның рәхәтен озак күрә алмады. Узган елның май аеннан бирле лампочкалар кабынмый. Бу турыда җирле басма хәбәр итә.

Авыл җирлеге башлыгы Рамил Җамалетдинов белдерүенчә, баганадагы утларны ремонтлап, карап тору аның җаваплылыгына керми. Җирлек бары тик кулланылган электр энергиясе өчен генә түләргә тиеш. Бу эшне 2014 елда республика программасы нигезендә Казанның “Средневолжскэлектросетьстрой” предприятиесе башкарган булган.

Предприятиенең Буадагы пункты җитәкчесе Роберт Шагалиев әйтүенчә, авыллардагы урам утларын ремонтлау шулай ук алар карамагында түгел. Әлеге эшне авыл җирлеге җитәкчелеге “Средневолжскэлектросетьстрой” ның Казандагы баш предприятиесенә рәсми рәвештә мөрәҗәгать итүдән башларга кирәк. Яктырткычлар берничә ел гарантиядә булу мөмкинлеге дә бар.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10