ҺАВА ТОРЫШЫ +3 oC

Яңалыклар

барлык хәбәрләр Татарстан Россия

Җәмгыять

Актанышта әфганчыларга "Язмышның бер сынавы" китабы тәкъдим ителде

11 февраль 2019, 07:00 , Фото: aktanysh-rt.ru/

Актанышта әфганчыларга Китапта – яралы язмышлар, анда – авыл балаларының сугыш белән күзгә-күз очрашу кичерешләре, анда – тулы бер буын күз яше...

(Актаныш,11 февраль, "Татар-информ",  "Актаныш - информ", Лилия Бәхтиева). Иске Богады авыл җирлеге бүген Әфганстанда хезмәт иткән егетләрен барлады. Җирлек үзешчәннәре тарафыннан әзерләнгән чарада ветеран укытучы Тәнзилә Газизованың "Язмышның бер сынавы" дип исемләнгән китабы тәкъдим ителде. Бу турыда җирле басма сайтында хәбәр ителә.

Иске Богады авыл җирлегендә туып-үскән, хәрби хезмәтләрен Әфганстанда үткән егетләр турындагы язмаларны үз эченә алган китап беркемне дә битараф калдыра алмый. Китапта – яралы язмышлар, анда – авыл балаларының сугыш белән күзгә-күз очрашу кичерешләре, анда – тулы бер буын күз яше...

Чарада район җитәкчелеге, әфганчылар җәмгыяте рәисе Илсур Гатин, аның вәкилләре, мәктәп коллективы, авыл халкы катнашты. Китап авторы Тәнзилә Газизованың авылдашлары исемен мәңгеләштергән иҗаты өчен Актаныш районы башкарма комитеты җитәкчесенең социаль мәсьәләләр буенча урынбасары Ләйсән Нурлыева имзалаган Рәхмәт хаты тапшырылды.

15 февраль - үзенчәлекле көн, бу совет гаскәрләрен Әфганстаннан чыгара башлау көне. Быел исә Совет гаскәрләрен Әфганстаннан чыгаруга 30 ел тула. Бу уңайдан Актаныш районында да очрашулар дәвам итәчәк


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10