ҺАВА ТОРЫШЫ +3 oC

Яңалыклар

барлык хәбәрләр Татарстан Россия

Татар дөньясы

Журналист Фәрит Салихов "Сабантуй"дан - олы мәйданга" китабын чыгарган

9 февраль 2019, 10:32 , Фото: sabantuyjournal.ru

Журналист Фәрит Салихов Татар көрәшенә багышланган чираттагы китап дөнья күрде.

(Казан, 9 февраль, "Татар-информ"). Татар көрәшенә багышланган чираттагы китап дөнья күрде. Үсмерләрнең көрәш турниры тарихына багышланган әлеге китап “Сабантуй”дан – олы мәйданга” дип атала. “Сабантуй” (“Яшь ленинчы”) журналының 95 еллыгы уңаеннан чыгарылган әлеге китапның төзүчесе – "Сабантуй" журналының әдәби мөхәррире Фәрит Салихов. Бу хакта басманың сайтында язылган.

"Милли көрәшебезнең матбугат чаралары белән бәйле традицион турнирлары бар. Үсмер көрәшчеләр “Яшь ленинчы” газетасы, соңрак “Сабантуй” журналы призына бил алыша. Менә шунда чыныгу алган малайларыбыз еллар узу белән олы мәйданга юл яра. Безнең максат – үсмерләр арасында Татарстан чемпионы булган көрәшчеләребезнең исемен барлау, турнир тарихын эзлекле җепкә тезү һәм киләчәк буынга тапшыру", – ди автор.

"Китапның сыйфатлы һәм төсле биттә булуы да игътибарны җәлеп итә. Ә эчтәлек, диярсез! Анысы көрәшебезне милли спорт төре буларак таныган, аның киләчәген кайгырткан төрле буын кешесе өчен дә кызыклы булырга тиеш", - дип хәбәр итә "Сабантуй" журналының сайты.

  • "Сабантуй" журналы тарафыннан уздырыла торган көрәш буенча турнир 1986 елдан бирле уздырылып килә. Димәк, 30 елдан артык вакыт эчендә 300дән артык үсмергә чемпион калу шатлыгын татып карау мөмкинлеге бирелгән.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10