ҺАВА ТОРЫШЫ +15 oC

Яңалыклар

барлык хәбәрләр Татарстан Россия

Җәмгыять

Менделеевскида Яр Чаллы институтының "СтудАкадемиясе" ачылды

6 февраль 2019, 03:00

"Студентлар академиясе" аена бер мәртәбә үткәрелә, кызыклы һәм аңлаешлы дәресләр кызлар һәм егетләргә һөнәр сайлауда ярдәм итәчәк.

(Менделеевск, 6 февраль, "Татар-информ", "Менделеевск яңалыклары", Асия Мөхәмәтханова). "Балалар университеты" проекты кысаларында Менделеевскиның 3 нче мәктәбе актлар залында КФУ Яр Чаллы институтының "СтудАкадемиясе" ачылды. Бу турыда җирле басма хәбәр итә.

Чара башланыр алдыннан фойеда өлкән сыйныф укучылары, аларның ата-аналары, укытучылар фәнни технологияләр (3D-күзлекләр, 3D-принтер, робототехника) белән таныштылар, шулай ук фотога төштеләр.

Җыелганнарны район башлыгы урынбасары Ләйсән Галеева, КФУның Яр Чаллы филиалы директоры, техник фәннәр докторы, профессор Мәхмүт Ганиев, мәктәп директоры Евгений Ямщиков сәламләделәр. Традиция буенча студентлар сафына кабул итү оештырылды. Булачак "академиклар" алып баручының командасы буенча барысы бергә кәгазьдән ясалган самолётлар очырдылар һәм теләкләр теләделәр.

Билгеле булганча, мондый проектлар автошәһәрдә дүртенче ел гамәлгә ашырыла. Химиклар шәһәрендә яңа академия ачу укучыларга мәгълүмати технологияләр өйрәнү мөмкинлеге бирәчәк. "Студентлар академиясе" аена бер мәртәбә үткәрелә, кызыклы һәм аңлаешлы дәресләр кызлар һәм егетләргә һөнәр сайлауда ярдәм итәчәк.

Чара кызыклы лекцияләр уку, "Студентлар академиясе" төркеме оештыру, чын студент нәрсәләр турында белергә тиешлеге һәм интернеттан куркынычсыз файдалану турында аңлату белән тәмамланды.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10