ҺАВА ТОРЫШЫ +9 oC

Яңалыклар

барлык хәбәрләр Татарстан Россия

Хәвеф-хәтәр

Электр җиһазларын куллану кагыйдәләрен бозу аркасында чыккан янгында ир-ат һәлак булган

31 гыйнвар 2019, 08:40

Кичә кич республиканың Кайбыч районы Турминское авылында янгын чыккан.

(Казан, 31 гыйнвар, “Татар-информ”). Электр җиһазларын куллану кагыйдәләрен бозу аркасында чыккан янгында Татарстанда ир-ат һәлак булган. Бу хакта Россия Гадәттән тыш хәлләр министрлыгының ТР буенча Баш идарәсе матбугат хезмәте хәбәр итә.

Кичә 21.05 сәгатьтә 112 бердәм номерына республиканың Кайбыч районы Турминское авылының Яр буе урамында бер катлы шәхси йорт януы турында хәбәр килгән.

Йортның янган конструкцияләрен аралаганда, янгын сүндерүчеләр бүлмәләрнең берсендә 56 яшьлек ир-атның мәетен тапкан.

Башлангыч версия буенча, электр җиһазларын куллану кагыйдәләрен бозу янгынның сәбәбе булган. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10